Özil Almaniya yığmasında çıxış etməkdən imtina etdi – SƏBƏB
Məşhur futbolçu Məsut Özil Almaniya millisində çıxış etməkdən imtina etdi.
Trend-in məlumatına görə, bunu Özil “Tvitter” sosial şəbəkəsində yazıb.
Özil bildirib: “Mənim iki ürəyim var: biri alman, digəri isə türkdür. Bu ilin may ayında Türkiyə Prezidenti Ərdoğanla Londonda xeyriyyə və təhsil tədbirində görüşdük. Hər görüşümüzdə olduğu kimi, bu dəfə də futbolu müzakirə etdik”.
Futbolçu qeyd edib ki, Almaniya mətbuatı məsələyə başqa cür yanaşıb: “Bəzi qəzetlər Ərdoğanla şəkilləri sağ yönümlü təbliğat məqsədilə istifadə edirlər. Onlar Rusiyada keçirilən Dünya Çempionatında Almaniya millisinin çıxışını deyil, mənim türk əsilli olmağımı tənqid edirlər. Bununla da, qırmızı xətti keçərək Almaniya xalqını mənə qarşı yönəltməyə çalışırlar”.
“Tvitter” sosial şəbəkəsində verdiyi açıqlamada Özil Almaniya Futbol Federasiyası Prezidentinin qeyri-peşəkarlığına artıq dözməyəcəyini bildirib. Futbolçu həmçinin ona və ailəsinə nifrət dolu edilən zənglər, sosial şəbəkələrdəki şərhlər barəsində danışmaq istəmədiyini deyib.
“İrqçilik və hörmətsizlik hiss etdiyim ana qədər Almaniya millisinin formasını daha geyinməyəcəm. Bu formanı fəxr və həyəcanla geyinirdim, ancaq indi yox. İrqçilik heç vaxt qəbul olunmamalıdır”, - deyə Özil bildirilib.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
