“Zenit” fantastik geri dönüş etməklə Avroliqada pley-offa yüksəlib. Qol.az-ın məlumatına görə, ilk oyunda səfərdə Minsk "Dinamo"suna 0:4 hesabı ilə uduzan "Zenit" öz meydanında 72-ci dəqiqədə 2:0 öndə olarkən qırmızı vərəqə alıb.
10 nəfər qalmasına baxmayaraq, Dzyubanın dublu ilə hesabı 4:0-a çatdıran Piter klubu matçı əlavə vaxta daşıyıb. 99-cu dəqiqədə "Dinamo"nun hesabı 1:4 etməsi demək olar ki, cütün taleyini böyük ölçüdə həll edib. Amma 109-cu dəqiqədən etibarən meydanda möcüzə yaşanıb. 109-120+3-cü dəqiqələr aralığında daha 4 (!) qol vuran "Zenit" 8:1 hesablı qələbə qazanmaqla pley-offa yüksəlib.
Qeyd edək ki, "Zenit" "Barselona"dan sonra avrokuboklarda ilk görüşdə alınan 0:4 hesablı məğlubiyyətdən sonra mərhələ adlayan ikinci klubdur. Kataloniya klubu 2016/17 mövsümündə ÇL-in 1/8 finalında PSJ ilə ilk görüşdəki yenilgidən sonra cavab matçında Paris klubuna 6:1 hesabı ilə qalib gələrək mərhələ adlayıb.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
