Azərbaycanda bir neçə gündür ki, müşahidə edilən qeyri-sabit hava şəraiti bu gündən başlayaraq mülayimləşəcək.
Bunu Trend-ə Ekologiya və Təbii Sərvətlər Nazirliyinin Milli Hidrometeorologiya Departamenti Hidrometeoroloji Proqnozlar Bürosunun direktoru Gülşad Məmmədova bildirib.
Onun sözlərinə görə, bu gün gündüz saatlarından başlayaraq hava əsasən yağmursuz olacaq. Bir necə gündür əsən şimal-qərb küləyi günorta saatlarından başlayaraq mülayim şimal-şərq küləyi ilə əvəzlənəcək.
G.Məmmədova bildirib ki, sabahdan başlayaraq yaxın iki gün ərzində havanın temperaturu 2-3 dərəcə yüksələcək.
O, bu gün Bakıda və Abşeron yarımadasında havanın temperaturunun 26-29 dərəcə isti təşkil edəcəyini, hazırkı temperaturun, eləcə də dünən müşahidə edilən temperaturun iqlim norması daxilində olduğunu söyləyib.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.