banner
banner

Sağlamlıq

Zobun bilmədiyiniz əlamətləri

Zobun bilmədiyiniz əlamətləri

Qalxanvari vəzi orqanizmdə bir çox prosesləri kontrol edir. Bu səbəbdən bu orqanın xəstəlikləri də özünü müxtəlif simptomlarla büruzə verir.

Bəzən bu simptomlar digər xəstəliklərin simptomları ilə qarışdırılır və insan səhv müalicə alır. Yalnız endokrinoloqa müraciət etdikdən sonra məlum olur ki, bu el arasında "zob xəstəliyi" kimi tanınan qalxanvari vəzi xəstəliyidir.

AZƏRTAC zob xəstəliyinin bəzi bilmədiyiniz simptomlarını təqdim edir:

Boğazda göynəmələr

Boğazda göynəmələr çox vaxt soyuqdəymə və ya qripin əlaməti olur. Lakin boğazda göynəmələr bəzən qalxanabənzər vəzdə olan pozuntular, törəmələr və düyünlər səbəbindən də irəli gələ bilər.

Səs tellərində şişkinlik və səsin qalınlaşması da qalxanabənzər vəzin funksiyalarının aşağı düşməsi (hipotireoz) səbəbindən meydana çıxa bilər. Bu dəyişikliklər çox asanlıqla soyuqdəymə ilə də səhv salına bilər.

Saçların həddindən artıq tökülməsi və ya həddindən artıq tüklənmə

Endokrin sistem orqanizmdə gedən bütün prosesləri kontrolda saxlayır. Buna saçların vəziyyəti də aiddir. Saçların gec uzanması və tökülməsi də qalxanabənzər xəstəliyinin simptomu ola bilər.

Çəki problemləri

Qalxanabənzər vəzin fəaliyyətində artma (hipertireoz) bir sıra fəsadlarla müşahidə edilə bilər: çəkinin sürətlə azalması, iştahanın artması, ishal.

Bu orqanın funksiyasının azalması isə maddələr mübadiləsinin ləngiməsi, çəki artımı və ödəmlə nəticələnə bilər.

Yuxululuq və əsəbilik

Əgər yuxululuq və istəksizlik istirahətdən sonra da keçmirsə, səbəbsiz depressiyalar meydana çıxırsa, ani əhval-ruhiyyə dəyişiklikləri varsa bunu stressə və ya hansısa başqa amilə bağlamaq düzgün deyil. Belə ki, bu da qalxanvari vəzinin fəaliyyətində pozuntuların göstəricilərindən biridir. Xüsusilə həddindən artıq yuxululuq endokrinoloqa getməyi vacib edən səbəblərdəndir.

Bu simptomlar hiss olunduqda tez bir zamanda endokrinoloq müayinəsi mütləqdir.



Daha tez məlumatlanmaq üçün Facebook səhifəmizi




Oxşar xəbərlər

Soyuq duş alın, görün nə baş verəcək

Mütəmadi olaraq soyuq duş qəbul etmək insanın fiziki və psixoloji vəziyyətini yaxşılaşdıra, xəstəliyə görə işə çıxmadığı günlərin sayını azalda bilər.

Qarın piylərindən xilas olmaq üçün 5 ərzaqlı resept

Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.

Armudun bilmədiyimiz faydaları

Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.